SNEHAMA

స్నేహ మా

వారించకే నన్నిలా

వారించి వారించి విసిగించకే

అమెరికా గూటిలో పక్షివి నీవు

ఉష్ణ దేశపు విహంగాన్ని నేను

భావి తరానికి బావుటా నేను

లోకమంతా నిదురోయే వేళ

రెక్కలు రాని చిన్నారులకోసం

నా గుండె కార్చిన కన్నీరే ఈ తెలుగోయి

పదే పదే వేధిస్తావు నీ కదేమి తెగులోయి

లోకం మారదని మూసలోనే నడుద్దామా?

రొట్టెముక్క కోసం వెదికే కుక్కల్లా

దోపిడీకి కొత్త దారులు వెతుకుదామా ?

నీ తేనియ మాటల తుంపర్లతో

అగ్ని పర్వతాన్ని అణచి పెట్టలేవు

క్రొత్త దారుల్లో ముళ్ళు ఉంటాయని తెలుసు

కొండచిలువలు కోరలు చాస్తాయని తెలుసు

తెలిసి తెలిసి మృత్యు పరిష్వంగం ఎంత మధురమో

ఊహల పల్లకిలో ఊగే నా మనసుకి తెలుసు .

నేడు నేనొక సామజిక శక్తిని, యుక్తిని

ఎర్ర కోట మీద నా భావ పతాకాన్ని ఎగరేస్తాను

స్వప్నమే యని చిలిపిగా నవ్వుకోకు

క్రొత్త దారులన్నీ వొకనాటి స్వప్నములేగా

సమాధులపై పుష్పించిన మొక్కలేగా !

In between these two are few poetic expressions posted in www.telugoe.blogspot.com